Kryesia e Kuvendit e procedon në qeveri Ligjin për tërheqjen e 30% të Trustit
Kryesia e Kuvendit ka marrë vendim që ta procedoj për opinion në Qeveri Projektligjin për tërheqjen e 30% të Trustit.
Edhe pse askush nuk është deklaruar për medie pas mbledhjes me arsyetimin se prezentë nuk ishin shefat e Grupeve Parlamentare, Projektligji është dërguar në ekzekutiv.
Kryesia procedoi për mendim në Qeveri edhe Projektligjin për Pensionet e Zyrtarëve Policor të Policisë së Kosovës dhe Punonjësit e Inspektoratit Policor të Kosovës me autorizime policore.
Qeveria ka afat 30 ditor për të dhënë mendimin për këtë projektligj, pastaj projektligji kthehet në Kuvend në procedurë parlamentare. /EO