KRU “Prishtina”: Ndërprerje e furnizimit me ujë në disa zona të kryeqytetit

Kompania Rajonale e Ujësjellësit “Prishtina” ka njoftuar për ndërprerje të përkohshme të furnizimit me ujë të pijshëm në disa zona të kryeqytetit.

Sipas njoftimit zyrtar, shkak i ndërprerjes është një rrjedhje në gypin kryesor DN 250 mm, e cila ka ndodhur në rrugën Arbanasi.

Pa furnizim me ujë kanë mbetur këto zona:

• Gjysma e Hajvalisë
• Veterniku (pjesa prapa Gorenjes)
• Lagjja Qëndresa
• Konsumatorët prapa Grand Store
• Zona kah Rezonanca – Lagjja Premium

Nga KRU “Prishtina” bëhet e ditur se ekipet teknike kanë dalë në terren dhe janë duke punuar intensivisht për sanimin e defektit, me qëllim që furnizimi me ujë të rikthehet sa më shpejt që të jetë e mundur.

Kompania u ka bërë thirrje qytetarëve për mirëkuptim deri në përfundimin e punimeve.