Krasniqi: 11 shtatori mbetet një plagë e thellë për botën demokratike, Kosova e di mirë çfarë do të thotë të rrezikohet liria

Kryetari i PDK-së, Memli Krasniqi, ka vlerësuar se 11 shtatori mbetet një plagë e thellë për botën demokratike.

Ai ka bërë me dije se kjo datë nuk do të harrohet asnjëherë.

Në profilin e tij në “Facebook”, Krasniqi ka shkruar se Kosova e di mirë çfarë do të thotë të rrezikohet liria.

“11 shtatori mbetet një plagë e thellë për botën demokratike dhe një datë që asnjëherë nuk do ta harrojmë. Si Kosovë, e dimë mirë çfarë do të thotë të rrezikohet liria, prandaj e çmojmë sakrificën, unitetin dhe forcën me të cilën SHBA, 24 vite më parë, iu përgjigj terrorit. Sot, duke kujtuar viktimat dhe heronjtë e asaj dite, riafirmojmë përkushtimin tonë të palëkundur për të mbrojtur lirinë, paqen dhe demokracinë, vlera që na lidhin përjetësisht me miqtë dhe aleatët tanë amerikanë”, ka shkruar Krasniqi.