Kasolli: Shtresat e ulëta ushqehen me ideologji, elitat politike me substancat narkotike

Analisti Afrim Kasolli ka bërë me dije se ka dy lloje të opiumit që mund të përdoren për t’i mbajtura njerëzit në gjendje trans-ekstazike.

Ai ka treguar se e para është ideologjia dhe e dyta janë substancat narkotike.

Në profilin e tij në “Facebook”, Kasolli ka shkruar se me të paren zakonisht ushqehen shtresat e ulëta, kurse e mund të shërbejë si një terapi për elitat politike dhe financiare.

“Ka dy lloje të opiumit që mund të përdoren për t’i mbajtura njerëzit në gjendje trans-ekstazike. E para është ideologjia. Sepse edhe kjo është opium për masat. E dyta janë vetë substancat narkotike. Me të parën zakonisht ushqehen shtresat e ulëta të shoqërisë, duke i mbajtur ata në hipnozë, për shpëtimin që i pret në një të ardhme të pacaktuar. Ndërkohë, e dyta mund të shërbejë si një terapi për elitat politike dhe financiare. Sepse me anë të konsumimit të drogave psikodelike i stimulojnë nevojat e tyre psikoaktive. Dhe ky rrezik bëhet me evident, sidomos kur në kushtet sotme politike të një rendi post-historike, po bjerren kauzat që i ushqejnë synimet mega-thymotike të njeriut”, ka shkruar Kasolli.