Ish-zyrtar i lartë amerikan: Gjasat për të përdorur armë bërthamore po rriten

Problemet në rritje me të cilat përballet presidenti rus Vladimir Putin po rrisin gjasat që Rusia të përdorë armë bërthamore taktike, tha një ish-zyrtar i lartë amerikan.

John Bolton, ish-këshilltari i sigurisë kombëtare i SHBA-së dhe ambasadori në Kombet e Bashkuara, i tha Sky News se presidenti rus ishte në "më shumë telashe se në çdo kohë që nga fillimi i pushtimit".

Duke folur për aneksimin nga Rusia të katër rajoneve të Ukrainës pas "referendumit", Bolton tha: "Natyrisht ai (Putini) mendoi se do të ishte një nxitës moral për Rusinë, se do të ndihmonte në vendosjen e bazave për kufijtë e ardhshëm me Ukrainën. Por fakti është, të paktën sipas botëkuptimit të Putinit, se luftimet tani po zhvillohen në 'tokën ruse' dhe se ushtria ruse nuk po ecën shumë mirë".

Ai shtoi se e gjithë kjo shton problemet e Putinit.

“Unë mendoj se pa dyshim kjo i shton vështirësitë e brendshme të Putinit në politikën e rregullt ruse dhe e bën disi më të mundshme që përdorimi i armëve taktike bërthamore mund të jetë i mundur.

“Meqenëse ‘toka ruse’ është e kërcënuar, mendoj se Putini mund ta shohë atë si një kërcënim për regjimin, gjë që do të ishte një rrethanë në të cilën gjasat për përdorimin e armëve bërthamore rriten”, tha ai. /Nacionale/