Irani thotë se bisedimet me ShBA-në janë "të pajustifikueshme" në mes të "barbarisë" së Izraelit

Ministri i Jashtëm iranian, Abbas Araghchi, ka deklaruar se negociatat me Shtetet e Bashkuara janë "të pajustifikueshme" në një kohë kur Izraeli po kryen sulme ndaj qyteteve iraniane, por nuk ka konfirmuar nëse zyrtarët iranianë do të tërhiqen nga bisedimet për çështjen bërthamore që janë planifikuar të zhvillohen këtë fundjavë midis SHBA-së dhe Iranit në Oman.

"Duke iu referuar mesazheve dhe deklaratave të presidentit amerikan, Araghchi i konsideroi veprimet armiqësore të regjimit sionist si rezultat i mbështetjes së drejtpërdrejtë nga Uashingtoni dhe theksoi se vazhdimi i negociatave indirekte mes Iranit dhe SHBA-së, në një situatë kur barbarizmat e regjimit zionist vazhdojnë, është i pajustifikueshëm," thuhet në një deklaratë të Ministrisë së Jashtme iraniane, duke iu referuar një bisede telefonike mes Araghchit dhe shefes së politikës së jashtme të Bashkimit Evropian, Kaja Kallas.