Hetimet për njehsorët elektrikë, Azemi: Po rrezikohet fshehja e provave
Pas zbulimit të dyshimeve për manipulime me njehsorët elektrikë, kanë nisur edhe hetimet institucionale. Megjithatë, sipas Visar Azemit të LDK-së, procesi po shoqërohet me shqetësime serioze.
Ai ka deklaruar se në vend që të ruhen si prova, njehsorët e vjetër po zëvendësohen nga KEDS dhe Ministria, duke rrezikuar, siç thotë ai, fshehjen e mundshme të manipulimeve.
Azemi thekson se fshehja e provave përbën vepër penale dhe kërkon që njehsorët të dërgohen për ekspertizë në laboratorë të pavarur, e jo të trajtohen nga institucione që janë nën dyshime.
