Haziri: Dorëheqja e Kurtit akti më korrekt
Nënkryetari i LDK-së Lutfi Haziri në emisonin “Debat Plus” në Dukagjin, ka folur në lidhje me takimin Kurti-Krasniqi dhe mos pranimin e fteses nga ana e LDK-së për këtë takim.
Sipas Hazirit, veç dorëheqja e Kurtit do të ishte akti korrekt për zgjedhjet e reja, por nëse Kryeministri nuk dorëhiqet, ai ka përmendur edhe oposionet tjera.
“Natyrisht që PDK-ja edhe VV-ja mund ta shpërndajnë Kuvendin. Nëse Kryeministri nesër në mëngjes thotë se pranvera ose vjeshta duhet të jetë koha e zgjedhjeve në rregull. Por atij i ndërron sezona. Ai më me rëndësi e ka mandatin kalendarik se sa atë të sukseseve.
Për LDK-në dorëheqja është opsioni më i mirë. Ai po dëshiron me rujt ftyrën. Ne e kemi lexu drejt ftesen e Kryeministrit, nuk ka agjendë të qartë për zgjedhje.
Akti ma i lehtë e më korrekt është dorëheqja. Nëse se bën, ka edhe opsione të tjera.” – ka thënë ai.
