Goditet nga vetura, humb jetën një këmbësore në Milloshevë (VIDEO)
Një këmbësore ka humbur jetën gjatë mbrëmjes së sotme, pasi u godit nga vetura në magjistralen Mitrovicë-Prishtinë.
Këtë e ka bërë të ditur zëdhënësi i Policisë së Kosovës për rajonin e Prishtinës, Agron Borovci.
Borovci për Nacionalen tha se tashmë kanë filluar hetimet rreth këtij aksidenti fatal.
"Rreth orës 19:15, është raportuar për një aksident trafiku të ndodhur në rrugën magjistrale Mitrovicë – Prishtinë.
Nga informatat e para bëhet e ditur se si pasojë e aksidentit një këmbësore ka humbur jetën.Njësia rajonale e trafikut rrugor ka dalë në vendin e ngjarjes dhe ka nisur një hetim lidhur me rrethanat e këtij aksidenti".
