Gërvalla mungon në fotografinë pranë shtatores së Rugovës: Kush nuk e lejoi të ofrohet?

Zëvendëskryeministrja dhe ministrja e Punëve të Jashtme, Donika Gërvalla, duket se nuk është lejuar të marrë pjesë në zbulimin e shtatores së ish-presidentit Ibrahim Rugova.

Në momentin e zbulimit të shtatores, është ofruar presidentja Vjosa Osmani, kryeministri Albin Kurti, kryetari i Podujevës, Shpejtim Bulliqi, ish-presidenti Fatmir Sejdiu dhe Teuta Rugova, vajza e ish-presidentit Rugova.

Madje, Gërvalla ka munguar edhe në fotografinë që të lartpërmendurit e kanë bërë pas zbulimit të shtatores.

Për të bërë fotografi të tilla janë ofruar edhe zyrtarët tjerë që kanë qenë të pranishëm.

Shefja e diplomacisë ka marrë pjesë në ceremoninë e që është organizuar sot në Podujevë, duke i përshëndetur të pranishmit me një fjalë rasti.

Në fillim të ceremonisë, asaj nuk ia ka zgjatur fare dorën presidentja Vjosa Osmani, e cila ua ka zgjatur dorën gati të gjithë të pranishëm në reshtin e parë të ceremonisë.