Gërvalla i reagon von Cramonit: Shumë miq na thanë aplikoni për anëtarësim në Këshill të Evropës
Ministrja e Jashtme e Kosovës, Donika Gërvalla i është përgjigjur deklaratave të raportueses për Kosovën në Parlamentin e Evropës, Viola von Cramon, e cila kishte thënë se zyrtarët e Qeverisë së Kosovës nuk kanë dëgjuar këshillat e miqve për ta dorëzuar aplikimin për anëtarësim në Këshillin e Evropës, në një moment më të përshtatshëm.
Gërvalla nuk i ka dhënë të drejtë von Cramonit.
“Ka pasur dukshëm më shumë miq, që na kanë thënë të aplikojmë, si nga fuqia, ashtu dhe nga numri”, ka thënë ajo në T7.
