Foto e Kurtit me minoritet në Presidencë, analisti: Na kujton takimet e Millosheviqit gjatë viteve 1998-1999
Analisti politik Shenoll Muharremi ka komentuar fotografinë e takimit të Albulena Haxhiut me përfaqësuesit e pushtetit në Presidencë.
Ai ka bërë me dije se kjo fotografi ia rikujton takimet e Sllobodan Millosheviqit gjatë viteve 1998 dhe 1999.
Në profilin e tij, ai ka shkruar se ish-diktatori i Ballkanit përmes takimeve të tilla me minoritet tentonte ta manipulonte botën, duke thënë se vetëm shqiptarët nuk i binden.
“Kjo foto, fatkeqësisht, na kujton takimet e Millosheviqit gjatë viteve 1998 dhe 1999, kur tentonte me e mashtru dhe manipulu botën dhe qytetarin e Serbisë se gjithçka është në rregull dhe normale. "Krejt" po bashkëpunojnë, krejt pakicat vetëm shqiptarët jo. Krejt të mirë e të kënaqur, vetëm ata jo. Fatkeqësisht, në këtë foto, edhe pse është prezantuar si e gjerë dhe me shumë njerëz, është vetëm një parti, ndërsa krejt partitë e tjera të pakicave që po shihen aty i kanë vetëm disa qindra apo mijëra vota”, ka shkruar ai.
