Fillon testimi i Urës së Ibrit me kamionë të peshave të rënda
Ka nisur testimi i qëndrueshmërisë së Urës së Ibrit, teksa debati se a duhet të hapet apo jo, po vazhdon ende.
Sipas pamjeve, ura po testohet me kamion të peshave të rënda.
Nacionale kishte raportuar për tenderin për matjet e qëndrueshmërisë për Urën e Ibrit.
Kontrata mban titullin “Përcaktimi i kapacitetit mbajtëse të strukturës së urës ekzistuese mbi lumin Ibër në Mitrovicë, me ngarkesa testuese”.
Vlera e këtij tenderi ishte gati 10 mijë euro.
Në ndërkohë, në Komunën e Mitrovicës Veriore po mbahet diskutim publik me qytetarë e përfaqësues nga qeveria për çështjen e hapjes së Urës së Ibrit.
