Fadil Fazliu, feston ditëlindjen e 65-të në Hagë: Djali i tij me një urim emocional
Vëllai i dy dëshmorëve të kombit, Fadil Fazliu, sot feston ditëlindjen e 65-të në Hagë.
Me ketë rast, ai ka telefonuar familjen e tij për të marrë urimet nga më të dashurit.
Djali i tij, Fahri Fazliu, ka treguar detaje nga kjo bisedë.
“Sot, babai ynë, Fadil Fazliu, feston ditëlindjen e tij të 65-të — një ditë simbolike që përkon edhe me daljen e tij në pension. Por, ndryshe nga shumica që këtë ditë e festojnë me familjen dhe miqtë, ai sot është larg nesh — në burgun e Hagës, padrejtësisht. Na telefonoi nga burgu i Hagës dhe ia uruam ditëlindjen me mall të madh nga Kosova — vendi për të cilin ai dha gjithçka dhe nuk u kursye kurrë. Urime ditëlindjen, babloku ynë i dashur! Paç shëndet, forcë dhe zemër të qetë!”, ka shkruar ai.
