S'ka vend as për Hysen Durmishin - përfundon jashtë strukturës udhëheqëse të VV’së
Lëvizja Vetëvendosje sot përmes një komunikate për media, bëri publike udhëheqësinë e re.
Vendin e Besnik Bislimit si nënkryetar do ta ketë Glauk Konjufca, ndërsa nënkryetare e dytë është zgjedhur Mrika Limani Myrtaj.
Ajo që vihet re më shumë, ishte është mungesa e një prej figurave kyçe të partisë që nga themelimi, Liburn Aliut, ministrit ministrit të Infrastrukturës.
Përveç Liburnit, në emrat e të zgjedhurve të sotëm mungon edhe ai i Hysen Durmishit.
Hysen Durmishi u zgjodh zv.ministër në Qeverinë Kurti II, në Ministrinë e Infrastrukturës e cila udhëhiqet nga Liburn Aliu.
Për Vetëvendosjen, Durmishi është konsideruar si njëri nga themeluesit e kësaj partie që nga themelimi.
Ministria e Infrastrukturës e drejtuar nga Liburn Aliu dhe Hysen Durmishijanë akuzuar për një sërë aferash korruptive të cilat mund të jenë edhe arsyeja që drejtuesit e kësaj ministrie të jenë lënë jashtë kryesisë së re të Lëvizjes Vetëvendosje.
Injorimi nga organet kryesore nën një strukturë të tillë është një largim në parim, por kjo nuk e pengon krahun e djathtë të Albin Kurtit të mbajë poste të larta në Qeveri apo Kuvend.
Kur Gazeta Nacionale publikoi skandalin e madh të ryshfetit, Liburn Aliu, ministër i Infrastrukturës dhe Florent Ramqaj, këshilltar financiar i Aliut, ishin nën trysni të mediave.
Aktivistë të VV-së kërkonin dorëheqjen e zëvendësministrit Hysen Durmishi, duke tentuar ta pastrojnë figurën e dyshes Aliu e Ramqaj.
Kjo qasje e re në planin për të ‘shpëtuar’ Aliun e Ramqaj, filloi që në mëngjesin e 7 qershorit.
Ndryshe, Lëvizja Vetëvendosje ka vendosur të dielën për emrat në Këshillin e Përgjithshëm, ku ndryshimet më të spikatura ishin mungesa e Liburn Alliut dhe vendin e Besnik Bislimit si zëvendës i Kurtit do ta ketë Glauk Konjufca.
