Deputetja Saranda Bogujevci bëhet nënë
Deputetja e Kuvendit të Kosovës, Saranda Bogujevci është bërë nënë.
Lajmin e ka bërë të ditur shefja e grupit parlamentar të Lëvizjes Vetëvendosje, Mimoza Kusari-Lila.
Kjo e fundit, përmes një shkrimi në Facebook, ka thënë se Bogujevci është bërë nënë e një djali, të cilin e ka quajtur Julian.
“Mami dhe bebja janë shumë mirë, ndërsa ne jemi të mbushur me shpresë e gëzim për forcën dhe guximin e Sarandës për t’i dhënë jetës një kuptim të ri me plot dashuri për të ardhmen!” – ka shkruar ajo.
Postimi i plotë:
E lumtur pa masë me lajmin për lindjen e djalit të kolegës, shoqes dhe Nënkryetares së Kuvendit, Saranda Bogujevci
Saranda dhe parneri i saj Matias, dje u bënë prindër të djalit, Julianit, i cili ka lindur me shëndet të mirë.
Mami dhe bebja janë shumë mirë, ndërsa ne jemi të mbushur me shpresë e gëzim për forcën dhe guximin e Sarandës për t’i dhënë jetës një kuptim të ri me plot dashuri për të ardhmen!
