Dalin pamjet e rrëzimit të aeroplanit rus në një ndërtesë në Rusi

Një aeroplan ushtarak i Kremlinit është përplasur në një ndërtesë banimi në Rusi duke shkaktuar një shpërthim të madh zjarri.

Avioni hyri në bllokun e banesave në Yeysk, një qytet turistik në Detin Azov pranë Krimesë.

Aeroplani dyshohet se ishte një bombardues luftarak Su-34, motori i të cilit nuk u ndez siç duhet gjatë ngritjes, njoftoi agjencia ruse e lajmeve Interfax.

Mësohet se pilotët janë hedhur përpara përplasjes së tmerrshme.

Në rrjetet sociale mund të shihen pamjet e ndërtesës së përfshirë nga zjarri qoftë në Twitter dhe Telegram, e janë publikuar edhe pamjet e aeroplanit Su-34 që rrëzohet mbi ndërtesë.

Në pamjet amatore shihet aeroplani duke humbur lartësinë, e disa sekonda para rrëzimit ndodh shpërthimi i aeroplanit në ajër.

Fluturakja Su-34 përfundon mbi ndërtesën nëntëkatëshe që menjëherë përfshihet nga zjarri. /Nacionale/