Burri i Nancy Pelosit sulmohet me çekiç në shtëpinë e tij
Paul Pelosi, bashkëshorti i kryetares së Dhomës së Përfaqësuesve, Nancy Pelosi, u sulmua nga një burrë me çekiç në shtëpinë e çiftit në San Francisko të premten herët në mëngjes.
Zyra e Pelosit tha se ai u “sulmua dhunshëm” nga një sulmues që hyri në shtëpinë e Pelosit.
“Sulmuesi është në paraburgim dhe motivimi i sulmit është nën hetim”, tha zyra e kongresmenes së vjetër demokrate dhe kryetares së Dhomës së Përfaqësuesve.
Në një deklaratë, zëdhënësi i Pelosit, Drew Hammill, tha se burri i saj, 82 vjeç, "po merrte kujdes të shkëlqyer mjekësor dhe pritet të shërohet plotësisht". Hammill tha se Nancy Pelosi nuk ishte në San Francisko në kohën e sulmit.
Paul Pelosi u dërgua në operacion mëngjesin e sotëm, ndërsa mjekët i kanë thënë familjes se ai do të shërohet, shkruan CNN.
