Britania zotohet për 205 milionë dollarë për furnizimin e Ukrainës me armë amerikane
Ministri i Mbrojtjes i Mbretërisë së Bashkuar, John Healey, tha të mërkurën se Britania është zotuar për ndarjen e 105 milionë funteve (205 milionë dollarë) për atë që njihet si nisma PURL për furnizimin e Ukrainës me armë amerikane.
Nisma PURL u themelua verën e kaluar për ta vazhduar dërgimin e armëve amerikane në Ukrainë në kohën kur asistenca e re ushtarake nga Uashingtoni për Kievin kishte ngecur, raporton agjencia e lajmeve “Reuters”.
“Me kënaqësi konfirmoj se Mbretëria e Bashkuar po zotohet për 150 milionë funte për PURL-in” – tha Healey në një deklaratë.
Ukraina vazhdimisht ka bërë thirrje që të furnizohet me armatim të avancuar nga aleatët perëndimorë për t’iu kundërvënë sulmeve të vazhdueshme nga forcat ruse.
