Britania dërgon luftanije në Lindjen e Mesme për sigurinë në Hormuz

Mbretëria e Bashkuar po dislokon një luftanije në Lindjen e Mesme përpara një misioni të mundshëm për të mbrojtur transportin detar në Ngushticën e Hormuzit, njoftoi të shtunën Ministria e Mbrojtjes, shkruajnë mediat britanike.

Anija HMS Dragon e Marinës Mbretërore do të mbështeste përpjekjet për pastrimin e minave dhe do të mbronte anijet si pjesë e një plani “rreptësisht mbrojtës”, tha ministria.

“Pozicionimi paraprak i HMS Dragon është pjesë e një planifikimi të kujdesshëm, që do të sigurojë se Mbretëria e Bashkuar është gati, si pjesë e një koalicioni shumëkombësh të udhëhequr bashkërisht nga Mbretëria e Bashkuar dhe Franca, për të siguruar Ngushticën, kur kushtet ta lejojnë,” tha një zëdhënës i ministrisë.