Biden për ligjin ushtarak në Ukrainë: I vetmi mjet që i ka mbetur Putinit
Departamenti i Shtetit të ShBA-së, ka thënë se deklarata ruse për ligjin ushtarak në Ukrainë, është një “taktikë e dëshpëruar”.
Të mërkurën, presidenti rus Vladimir Putin shpalli gjendjen ushtarake në katër rajonet e Ukrainës që Moska aneksoi dhe u dha të gjithë guvernatorëve rajonalë në Rusi kompetenca emergjente që hapin derën për kufizime të reja gjithëpërfshirëse në të gjithë vendin.
Ndërsa një përgjigje të kësaj, Joe Biden tha se: "Unë mendoj se Vladimir Putin e gjen veten në një pozitë tepër të vështirë dhe ajo që reflekton për mua është se duket se mjeti i tij i vetëm në dispozicion është të brutalizojë qytetarët individualë në Ukrainë, në përpjekje për t'i frikësuar ata që të kapitullojnë."
Putin nuk ka përshkruar hapat që do të ndërmerren sipas ligjit ushtarak, por ka bërë të ditur se urdhri i tij ishte efektiv duke filluar nga e enjtja.
Vendimi i tij, është miratuar shpejt nga Dhoma e Lartë e parlamentit rus, ndërsa legjislacioni i miratuar tregoi se deklarata mund të përfshijë kufizime në udhëtime dhe tubime publike, censurë më të fortë dhe autoritet më të gjerë për agjencitë e zbatimit të ligjit.
