BE: Perëndimi do të shkatërrojë ushtrinë ruse nëse ajo sulmon Ukrainën me armë bërthamore

Shefi i diplomacisë së BE-së Josep Borell paralajmëroi sot Moskën se forcat ruse do të "shkatërrohen" nga një përgjigje ushtarake nga Perëndimi nëse presidenti Vladimir Putin urdhëron përdorimin e armëve bërthamore kundër Ukrainës, raporton AFP.

"Putini thotë se nuk po bën bllof. Ai nuk mund të lejojë të bëjë bllof, dhe kjo është arsyeja pse duhet të jetë e qartë se të gjithë ata që mbështesin Ukrainën, domethënë Bashkimi Evropian, SHBA dhe NATO, gjithashtu nuk po bëjnë bllof", tha Borrell në hapja e Akademisë Diplomatike në Bruksel.

"Përgjigja do të jetë aq e dhunshme sa ushtria ruse do të shkatërrohet"

"Çdo sulm bërthamor kundër Ukrainës do të provokojë një përgjigje. Jo një përgjigje bërthamore, por një përgjigje ushtarake aq e dhunshme sa ushtria ruse do të shkatërrohet", tha shefi i çështjeve të jashtme të BE-së.

Kujtojmë se Sekretari i Përgjithshëm i NATO-s, Jens Stoltenberg tha dje se Rusia do të përballet me “pasoja të rënda” nëse sulmon Ukrainën me armë bërthamore. Megjithatë, NATO nuk ka kërcënuar se do të përdorë arsenalin e saj bërthamor në përgjigje të një sulmi të mundshëm bërthamor ndaj Ukrainës, e cila nuk është anëtare e NATO-s. /Nacionale/