Bajqinovci i kundërpërgjigjet opozitës: Për të rrëzu qeverinë së pari duhet të mobilizohet qytetari
Lidhja Demokratike e Kosovës ditë më parë ka organizuar tryezë diskutimi me gazetarë dhe shoqëri civile për situatën e krijuar në vend.
Të njëjtën gjë e kanë bërë sot edhe nga Aleanca për Ardhmërinë e Kosovës.
Rreth këtyre organizimeve ka folur deputeti i Lëvizjes Vetëvendosje, Mefail Bajqinovci.
Bajqinovci për Gazetën Blic ka thënë se për të rrëzuar qeverinë duke të mobilizohet qytetari.
“Për të rrëzu qeveri e për të fituar zgjedhje duhet pikë së pari të mobilizohet qytetari. Mbështetja e qytetarëve ndaj qeverisë është e fortë.” – ka thënë ai.
Tutje deputeti i VV-së ka shtuar se mbështetjen e fortë ndaj qeverisë po e dëshmojnë edhe sondazhet, që po fshihen edhe nga vetë opozita.
“Kjo po dëshmohet edhe nga sondazhet e fundit të cilat po mbahet të fshehta edhe nga vet opozita. Ju e patë se dje Barometri i Ballkanit për vitin 2023 e renditi Qeverinë e Kosovës të parën në Ballkan për nga besueshmëria, me 56%.” – ka thënë Bajqinovci.
