Arrestohet një person i kërkuar në Ferizaj

Policia e Kosovës në rajonin e Ferizajt ka njoftuar se është arrestuar një person i cili ishte i kërkuar me urdhëresë të gjykatës.

Ngjarja ndodhi në orën 06:15 në fshatin Greme të Ferizajt.

“Edhe përkundër përpjekjeve për t'i ikur policisë, e kanë ndaluar e më pas e kanë arrestuar personin e kërkuar me urdhëresë të gjykatës, me inicialet B.G (M/K) i moshës 36-vjeçare. Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Posedim i Paautorizuar i narkotikëve, substancave psikotrope dhe analoge’’ me dënim burgimi prej dy (2) viteve”, thuhet në njoftim.

Policia e Kosovës bën të ditur se pas kompletimit të dokumentacionit, i njëjti është dërguar në vuajtje të dënimit.