Arrestimi i Mithat Lozhanit: Avokati Koci udhëton drejt Beogradit, thotë se vizita nuk është pa rrezik

Avokati i njohur kosovar, Arianit Koci, ka njoftuar se të martën do të jetë i pranishëm në Beograd për të ndjekur nga afër rastin e Mithat Lozhanit, shtetasit të Kosovës që u arrestua së fundmi nga policia serbe derisa po kalonte tranzit nëpër territorin e Serbisë.

Përmes një njoftimi në Facebook, Koci ka bërë të ditur se angazhimi i tij profesional në Serbi vjen si pasojë e përvojës së tij të gjatë me rastet e shqiptarëve të ndaluar atje, gjë që sipas tij, e bën figurën e tij jo shumë të mirëpritur nga autoritetet serbe.