Analisti boshnjak: Kosova nuk duhet të lejojë formimin e Asociacionit
Analisti nga Bonja e Hercegovina, Jasmin Mujanoviq, është shprehur kundër themelimit të Asociacionit të Komunave me Shumicë Serbe në Kosovë.
Në llogarinë e tij në “Twitter”, ai ka shkruar se Kosova duhet t`i rezistojë presionit të SHBA-së dhe BE-së për ta formuar këtë asociacion.
Sipas tij, formimi i asociacionit është një luftë për të përcaktuar formën e politikës së rajonit për dekadat e ardhshme.
“Pse ka rëndësi për të gjithë Ballkanin Perëndimor që Kosova t’i rezistojë me sukses fushatës së vazhdueshme të presionit nga Serbia, Shtetet e Bashkuara të Amerikës dhe Bashkimi Evropian që të krijojë një ‘Asociacion të komunave me shumicë serbe’? Sepse është një luftë për të përcaktuar formën e politikës së rajonit për dekadat e ardhshme…”, ka shkruar Mujanoviq.
Why does it matter for the whole of the W. Balkans that 🇽🇰 successfully resists the ongoing pressure campaign by 🇷🇸, 🇺🇸, & 🇪🇺 for it to create an “Association of Serbian Municipalities”? Bc it is a struggle to determine the shape of the region’s politics for decades to come.🧵
— Jasmin Mujanović (@JasminMuj) February 2, 2023
