Aksident në rrugën Prishtinë – Podujevë, lëndohen tre persona
Një aksident ka ndodhur në rrugën Prishtinë – Podujevë, ku tre persona janë lënduar.
Kështu ka bërë të ditur zëdhënësja e Policisë së Kosovës për rajonin e Prishtinës, Flora Ahmeti për Gazetën Nacionale.
Sipas Ahmetit, në aksident janë përfshirë dy automjete.
“Sot rreth orës 16:30, është pranuar informata për një aksident trafiku rrugor të ndodhur në rrugën Prishtinë -Podujevë. Në aksident janë përfshirë dy automjete, ku tre persona kanë pësuar lëndime trupore. Njësia rajonale e trafikut po merret me rastin”, ka bërë të ditur Ahmeti.
