Abdixhiku me video nga ndërtimi i rrugës "Nekibe Kelmendi" në Prishtinë: Injorojeni propagandën, urrejtjen e përçarjen
Kryetari i LDK-së, Lumir Abdixhiku, ka vazhduar me promovimin e punëve në kryeqytet.
Ai ka publikuar pamje nga ndërtimi i rrugës “Nekibe Kelmendi” në Prishtinë.
Abdixhiku ka bërë thirrje që injorohet propaganda, urrejtja e përçarja, si mesazh kundër Qeverisë Kurti.
Shkrimi i tij:
Javë e re, rrugë të reja.
Rruga 'Nekibe Kelmendi', një investim tjetër kapital në Prishtinë. Një tjetër përkushtim i yni për fokus në gjëra që kanë rëndësi e që bëjnë vërtetë ndryshim! Për këtë duhet të jetë shërbimi publik! Për këtë LDK qëndron sot! Injorojeni propagandën, urrejtjen e përçarjen. Kosova ka shumë punë më të mençura para vetes se sa të ngecë në moçalin e zymtësisë.
