Abdixhiku jep detaje nga takimi me Abazoviq: Biseduam për të ardhmen e rajonit
Kryetari i Lidhjes Demokratike të Kosovës, Lumir Abdixhiku ka dhënë detaje nga takimi që pati sot me kryeministrin në detyrë të Malit të Zi, Dritan Abazoviq.
Abdixhiku përmes një shkrimi në llogarinë e tij në Facebook, ka thënë se kanë diskutuar për të ardhmen e rajonit.
“Biseduam mbi zhvillimet e fundit politike në të dyja vendet, siç dhe shkëmbyem pikëpamjet tona për të ardhmen euroatlantike të të gjithë rajonit. Mali i Zi, shtet anëtar i NATO-s, njohës i rendit të parë i pavarësisë së Kosovës, ndanë të njëjtën të ardhme me Republikën e Kosovës.” – ka thënë tutje ai.
Në fund, Abdixhiku ka shënuar: “Biseduam për projektet e përbashkëta kapitale si dhe lidhjen e fortë emocionale e historike që populli i Kosovës ka - në veçanti - me shqiptarët në trevat e Ulqinit, Tuzit, Tivarit, Plavës, Rozhajës e Gucisë”.
Postimi i plotë:
Sot, në selinë e Lidhjes Demokratike të Kosovës, prita kryeministrin në detyrë të Malit të Zi, Dritan Abazović.
Biseduam mbi zhvillimet e fundit politike në të dyja vendet, siç dhe shkëmbyem pikëpamjet tona për të ardhmen euroatlantike të të gjithë rajonit. Mali i Zi, shtet anëtar i NATO-s, njohës i rendit të parë i pavarësisë së Kosovës, ndanë të njëjtën të ardhme me Republikën e Kosovës.
Biseduam për projektet e përbashkëta kapitale si dhe lidhjen e fortë emocionale e historike që populli i Kosovës ka - në veçanti - me shqiptarët në trevat e Ulqinit, Tuzit, Tivarit, Plavës, Rozhajës e Gucisë.
