48-vjeçarit në Prizren i gjenden armë dhe municion, policia jep detaje

Policia e Kosovës gjatë ditës së premte, përmes rrugëve operative e hetimore kanë arritur tek informacioni se i dyshuari N.T. viti i lindjes 1977, mashkull kosovar është në posedim të armëve pa leje, në Prizren.

PK në njoftimin e tyre kanë bërë të ditur se me të pranuar informacionin, është njoftuar Prokurori i Shtetit me leje të së cilit është realizuar kontroll në shtëpinë dhe objektet përcjellëse të të dyshuarit.

“Gjate kontrollit janë gjetur dhe sekuestruar në cilësinë e provave materiale:

1. Një (1) Pistoletë e tipit AREX e kalibrit 9x19,

2. Një (1) pushkë gjysme automatikë e tipit Crvena Zastava,

3. Një (1) karikator i pistoletës,

4. Gjashtë (6) fishek të kalibrit të panjohur,

5. Dy (2) fishek me gaz,

6. Dyzet e një (41) fishek të armëve të gjata,

7. Një (1) karikator i pushkës gjysme automatike,

8. Një (1) palë dylbi të tipit ZRAK ON-M76.” – thuhet në njoftim.

Ndaj të dyshuarit do të ngritët kallëzim penal për veprën penal “Mbajtje në pronësi, kontroll, posedim të paautorizuar të armëve”.