25 vjet nga vrasja e Fehmi Aganit, Kurti: Ishte një nga intelektualët më të shquar dhe më të angazhuar politikisht në vitet ’90
Kryeministri i Kosovës, Albin Kurti, ka kujtuar 25-vjetorin e vrasjes së intelektualit Fehmi Agani.
Përmes një shkrimi në Facebook, Kurti ka thënë Agani ishte “një nga intelektualët më të shquar dhe më të angazhuar politikisht në vitet ’90, si nënkryetar i partisë Lidhja Demokratike e Kosovës.”
Më tej Kurti ka shkruar se Agani do të kujtohet përherë mes të rënëve të popullit tonë në përpjekjet dhe sakrificat për liri të Kosovës!
