238 kandidatë testohen për rekrutimin e 22 prokurorëve të rinj
238 kandidatë, prej të cilëve 5 nga komunitet joshumicë dhe 93 kandidatë të gjinisë femërore, i janë nënshkruar testimit me shkrim për rekrutimin e 22 prokurorëve të rinj të shtetit.
Sipas njoftimit nga Këshilli Prokurorial i Kosovës (KPK), testi është mbajtur Akademinë e Kosovës për Siguri Publike në Vushtrri.
“Fillimisht, në prani të monitoruesve, sot, në ditën e mbajtjes së këtij testi, Komisioni për Rekrutimin e Prokurorëve të Shtetit hartoi Testin me Shkrim për kandidatët”, thuhet në njoftimin e KPK-së.
Me këtë rast, Kryesuesi i Këshillit Prokurorial të Kosovës, Jetish Maloku, i shoqëruar nga anëtarët e tjerë të Komisionit për Rekrutimin e Prokurorëve të Shtetit, në cilësinë e kryetarit të këtij komisioni, mbikëqyri rrjedhën e plotë të mbajtjes së testit të sotëm me Shkrim.
