UFO-t nga Manastiri i Deçanit zbresin në Hotel Grand - NACIONALE

UFO-t nga Manastiri i Deçanit zbresin në Hotel Grand

2 javë më parë

nga Vullnet Krasniqi

Poshtë Bjeshkëve të Nemuna të Kosovës shtrihet manastiri i Deçanit. I krijuar në gjysmën e parë të shekullit XIV, vendi fetar ortodoks është i famshëm për afresket e tij.

Ato përshkruajnë Kryqëzimin e Jezu Krishtit dhe janë pikturuar nga një piktor i panjohur në vitin 1530. Megjithatë, fama e afreskeve është edhe për shkak të misterit intrigues në mesin e tyre. Burim i misterit janë dy figura të pazakonta të vendosura në të majtë dhe në të djathtë të kokës së Mesias.

Teksa historianët e artit i lexojnë figurat si personifikime të thjeshta të diellit dhe të hënës, një numër shkencëtarësh i shohin figurat si UFO. Për ta, afresku përmban prova të pakundërshtueshme të ekzistencës së alienëve; teoritë e konspiracionit vlojnë.

Këtë mister të Manastirit e ka sjellë si video-instalacion artisti shkodran Lekë Gjeloshi. Instalacionin e gjeni në Hotel Grand, si pjesë e ekspozitës së Bienales Manifesta.

Lajme të ngjashme