Njerëzit të hutuar pasi vunë re tributin bizar për Kanye West në filmin 'Glass Onion'

Nëse e keni parë "Glass Onion: A Knives Out Mystery" prej publikimit në Netflix vetëm disa ditë para Krishtlindjeve, mund të keni vënë re një tribut ndaj reperit të turpëruar Kanye West në një skenë në veçanti.

"Glass Onion: A Knives Out Mystery" është një mister triller me regji të Rian Johnson dhe skenar të Ram Bergman.

Pjesa e dytë e filmit origjinal nga viti 2019 fillimisht u publikua në shtator, por gjeti audiencë të re në javën e fundit pas publikimit në platformën gjigante të filmave.

Detektivi Benoit Blanc - i cili luhet nga aktori Daniel Craig - rikthehet, derisa gjen veten në një ishull luksoz privat në Greqi.

Por, siç do ta zbulojnë shikuesit, si dhe pse ai gjen veten aty është një prej mistereve të shumëta të filmit.

Në ditët e fundit, disa shikues syshqiponjë vunë re ngjashmërinë e një pikture të një profeti dhe Kanye Westit.

U hodh në pah në Twitter nga një shfrytëzues me emrin @yefanatics, i cili shpërndau klipin e skenës ku Edward Norton qëndron para një pikture.

Por, kjo pikturë tregon reperin i cili njihet si "Ye" këto ditë, të veshur në një pëlhurë duke mbajtur një kupë në njërën dorë dhe një pishtar në tjetrën.

Titulli i shkrimit, i cili tash ka marrë më shumë se 210 mijë shikime në Twitter, shkruante: "Kanye West shfaqet në filmin 'Knives Out Glass Onion'."

Shumë nxituan në komente të postimit viral për t'u pajtuar se Kanye Westi ishte në film, me disa që mbetën të hutuar nga skena.

Një person pyeti: "A mendoni se është Kanye?" Ndërkohë, i dyti shtoi: "E pashë këtë dhe isha i hutuar, profeti YE".

Një tjetër, me tallje tha: "Krejt filmi është tribut për Ye".

Dhe i katërti komentoi në postimin, duke shtuar: "Duke qeshur, nuk i kushtova kësaj aspak vëmendje".

Të tjerë madje publikuan postimin e tyre në Twitter rreth shfaqjes së Ye, pasi sipas "Variety", Netflix vlerëson se 35 milionë familje shikuan "Glass Onion: A Knives Out Mystery" gjatë fundjavës së Krishtlindjes.

Një person tha: "Tani e gjithë kjo ka kuptim të përsosur, kjo më pëlqen edhe më shumë. Pikat po lidhen. Më pëlqen ‘Knives Out 2’.”

"Pse Miles ka një pikturë të Kanye West në sfond?"

Dhe një i dytë shtoi: "pse ka një mural të Kanye West me thika qepësh qelqi."

Nëse ky është Ye, ka një shans që ai të jetë shtuar përpara se të bënte komentet e tij të diskutueshme antisemitike, ndërsa xhirimet për filmin filluan në shtator 2021.

"Glass Onion: A Knives Out Mystery" prodhuesit ende nuk kanë komentuar nëse fotografia është Kanye West.