Zelensky para OKB-së: Rusia e ka sjellë botën në prag të një katastrofe nga rrezatimi

Presidenti ukrainas Volodymyr Zelenskiy, në fjalimin e tij sot para Këshillit të Sigurimit të OKB-së, bëri thirrje që Agjencia Ndërkombëtare e Energjisë Atomike (IAEA) të marrë kontrollin e përhershëm mbi situatën në uzinën e Zaporizhias sa më shpejt të jetë e mundur. Ai gjithashtu i bëri thirrje Rusisë që të tërhiqet plotësisht nga uzina.

"Rusia e ka sjellë botën në prag të një katastrofe nga rrezatimi. Fakti është se ushtria ruse e ka kthyer territorin e termocentralit më të madh bërthamor në Evropë, termocentralit bërthamor të Zaporizhzhya, në një zonë lufte. Tani Evropa dhe rajonet fqinje përballen me kërcënimin e ndotjes nga rrezatimi”, tha Zelenskiy.

Sekretari i Përgjithshëm i OKB-së António Guterres tha gjithashtu se është shumë i shqetësuar për situatën në Zaporozhye.

"Dritat paralajmëruese po ndezin. Çdo veprim që mund të kërcënojë integritetin fizik, sigurinë ose mbrojtjen e termocentralit bërthamor është thjesht i papranueshëm. Çdo përshkallëzim i mëtejshëm i situatës mund të çojë në vetëshkatërrim", i tha Guterres Këshillit të Sigurimit të OKB-së. /Nacionale/