Zelensky jep urdhër që t'i jepet fund udhëtimit pa viza për rusët
Presidenti ukrainas Volodymyr Zelensky urdhëroi të mërkurën t'i jepet fund udhëtimit pa viza për qytetarët rusë, duke përmendur nevojën për të përmirësuar sigurinë kufitare në vazhdën e pushtimit rus të Ukrainës.
Aktualisht, qytetarët rusë lejohen të vizitojnë Ukrainën pa viza, ndërsa në një urdhër të postuar nga faqen presidenciale, Zelensky tha se ai e mbështet një petecion të paraqitur nga një qytetar që kërkonte t’i jepej fund kësaj praktike.
"Në sfondin e agresionit të plotë rus, çështja e ngritur është e rëndësishme dhe jetike. Unë mbështes nevojën për të forcuar kontrollet mbi hyrjen e qytetarëve rusë në vend," tha ai.
Zelensky po ashtu njoftoi se i kishte dërguar letër kryeministrit Denys Shmyhal duke i kërkuar që të punonte për këtë çështje.
Kujtojmë se, presidenti rus Vladimir Putin në fillim të muajit të kaluar nënshkroi një dekret për vendosjen e kufizimeve të vizave për qytetarët e vendeve që Moska i konsideron "jomiqësore", duke përfshirë Ukrainën.
