Ukrainës nuk do t’i premtohet ndonjë afat kohor për hyrje në NATO as në samitin e korrikut
Ukrainës nuk do t’i ofrohet ndonjë kornizë kohore me data specifike sipas së cilës mund të anëtarësohet në NATO gjatë samitit të aleancës në Vilnius muajin e ardhshëm, por, në vend të kësaj, mund t’i ofrohet një rrugë më e shkurtër, kur t’i bëhet oferta për anëtarësim.
Shtetet e NATO-s, por jashtë strukturave formave të aleancës, do të ofrojnë edhe garanci të sigurisë pas konfliktit, të cilat kanë gjasë që të jenë në formën e zotimeve të gjera për ta mbrojtur Ukrainën nga sulmet prej Rusisë. Aleatët pritet që ta vazhdojnë dhurimin e municionit dhe ndihmës për forcat e armatosura ukrainase që ato atë bëhen më konvergjente me NATO-n. Megjithatë, ka gjasë që zotimet të jenë të një niveli të gjerë e të lartë e jo oferta specifike të armatimit, raporton gazeta “The Guardian”.
Shtetet që janë në qendër të bisedimeve thanë se është normale që anëtarët e NATO-s të kenë mosmarrëveshje edhe para një samite. Sidoqoftë, ato shpresuan për një zotim të mundshëm që Ukraina të mos ketë nevojë për t’i plotësuar kushtet e paraqitura në planin e aplikimit për anëtarësim, i cili është mjaft i mundimshëm, dhe, në vend të këtij skenari, të ketë pranim pothuajse automatik, porsa t’i bëhet ftesa dhe që ky veprim të njihet si përparim nga gjithçka tjetër që i është ofruar Ukrainës më parë. Finlandës dhe Suedisë u është ofruar anëtarësimi pa pasur nevojë që t’i plotësojnë kushtet e planit të aplikimit për anëtarësim (MAP).
Ka gjasë që NATO-ja ta çojë përpara edhe marrëdhënien e tanishme politike me Ukrainën nga komisioni i tanishëm NATO – Ukrainë në një këshill NATO – Ukrainë, ndryshim që do t’i jepte Ukrainës status më të lartë në takimet e përbashkëta. Një diplomat pranoi se kjo masë ka pak gjasa që të bëjë ndonjë ndryshim të madh për ushtarin mesatar ukrainas që Lufton në vijën e frontit, por këmbënguli se ajo ka vlerë reale.
Të gjitha palët kanë pranuar për një kohë të gjatë se Ukrainë nuk mund të bëhet anëtare e NATO-s në mesin e një konflikti, por Kievi, i mbështetur nga shtetet baltike dhe Polonia, do të dëshironin një datë ose një kornizë kohore përmes së cilës Ukraina do të mund të anëtarësohej, porsa të përfundonte konflikti. Një zotim i Vilniusit për anëtarësim është propozuar.
Mungesa e një date ose e kushteve të qarta që Ukraina do të duhej t’i plotësonte për t’u anëtarësuar automatikisht në aleancë do të çojnë tek akuzat e këtij vendi se NATO-ja është duke bërë pak më shumë se riofrimi i premtimit për anëtarësim që i ishte dhënë vendit në samitin e NATO-s në Bukuresht në prillin e vitit 2008, kur aleanca kishte thënë se kishte arritur pajtueshmëri që Ukraina dhe Gjeorgjia të bëheshin anëtare të aleancës.
