Ukraina akuzon Rusinë se po përpiqet të krijojë një "krizë ushqimore" pas sulmeve në portet ukrainase
Ukraina ka akuzuar Rusinë se po përpiqet të krijojë një krizë ushqimore pasi sulmoi infrastrukturën portuale në rajonin jugor të Odesës, shkruan CNN.
Të paktën dy persona u plagosën në sulmet, thanë zyrtarët ukrainas. Nuk është e qartë se ku është goditur saktësisht, por një zyrtar tha se porti i Renit ishte shënjestruar.
Lumi Danubi është bërë mënyra kryesore për Ukrainën për të eksportuar drithërat e saj pas rënies së një marrëveshjeje të ndërmjetësuar nga OKB-ja dhe Turqia.
“Terroristët rusë vazhdojnë të sulmojnë infrastrukturën portuale me shpresën se do të jenë në gjendje të provokojnë një krizë ushqimore dhe zi buke në botë”, tha kreu i zyrës së Presidentit të Ukrainës, Andriy Yermak, në platformën e mesazheve Telegram.
“Detyra kryesore për ne dhe partnerët tanë sot është të eliminojmë aftësinë e kompleksit ushtarako-industrial rus për të prodhuar armë për goditje kundër Ukrainës. Dhe për të rritur përgjegjësinë për ata që ndihmojnë armikun për të anashkaluar sanksionet.”
“Ajo [aftësia për të prodhuar armë] nuk mund të funksionojë pa komponentë të huaj për armët. Pas shkatërrimit të kompleksit ushtarak-industrial rus, disfata e trupave ruse do të jetë e plotë."
