Teherani mori përgjigjen e SHBA-së në lidhje me marrëveshjen për programin bërthamor të Iranit
Ministria e Jashtme e Iranit tha se ka marrë një përgjigje nga Shtetet e Bashkuara në lidhje me rregullimet që Teherani ka kërkuar për një projekt-traktat mbi programin bërthamor të Iranit të propozuar nga Bashkimi Evropian.
“Gjatë mbrëmjes, Teherani mori përgjigjen e qeverisë amerikane përmes koordinatorit të BE-së në lidhje me propozimet e Iranit për tekstin përfundimtar të propozuar nga BE për rinovimin e marrëveshjes bërthamore”, tha zëdhënësi i diplomacisë iraniane Nasser Kanani.
SHBA-të konfirmuan se përgjigja i është dërguar BE-së
"Irani ka filluar të studiojë me kujdes pozicionin e SHBA-së dhe Republika Islamike e Iranit do t'i dërgojë opinionin e saj koordinatorit (BE) pas analizës", shtoi Kanani. Në Uashington, Departamenti i Shtetit shpejt konfirmoi se kishte dërguar përgjigjen e SHBA-së në BE.
SHBA tha të martën se Irani kishte bërë lëshime për çështjet kryesore, duke rritur shpresat për kthimin e tij në një marrëveshje ndërkombëtare të nënshkruar në 2015, nga e cila Uashingtoni u tërhoq në vitin 2018 nën Donald Trump.
Negociatat për programin bërthamor të Iranit, të cilat filluan 16 muaj më parë, u ndërprenë dhe rifilluan në fillim të gushtit. Qëllimi i tyre është të shpëtojnë marrëveshjen e nënshkruar me regjimin e Teheranit nga pesë anëtarët e përhershëm të Këshillit të Sigurimit të OKB-së (Kina, SHBA, Franca, Britania e Madhe dhe Rusia) dhe Gjermania. /Nacionale/
