Shefi bërthamor i OKB-së: Irani mund të fillojë pasurimin e uraniumit për bombë brenda disa muajsh
Irani ka kapacitetin të rifillojë pasurimin e uraniumit – për një bombë të mundshme – brenda “pak muajsh”, ka deklaruar drejtori i agjencisë bërthamore të OKB-së, shkruan BBC.
Rafael Grossi, drejtori i Agjencisë Ndërkombëtare për Energji Atomike (IAEA), tha se sulmet amerikane ndaj tri objekteve iraniane fundjavën e kaluar shkaktuan dëme të mëdha, por jo “të plota”, duke kundërshtuar deklaratën e Donald Trump se objektet bërthamore të Iranit ishin “shkatërruar totalisht”.
“Duke folur hapur, nuk mund të thuhet që gjithçka është zhdukur dhe se nuk ka mbetur asgjë,” tha Grossi të shtunën.
