ShBA ndan edhe 400 milionë dollarë ndihmë ushtarake për Ukrainë
Sekretari i Shtetit, Antony Blinken, ka njoftuar një ndihmë të re ushtarake për Ukrainën me vlerë 400 milionë dollarë.
Njoftimi i Blinken ka ardhur gjatë një konference për shtyp të mbajtur në Uashington DC me ministrin e Jashtëm të Ukrainës, Dmytro Kuleba.
Vendimi i fundit shënon një përpjekje të re të Shteteve të Bashkuara për të forcuar partneritetin e saj të mbrojtjes me Ukrainën dhe për të mbështetur përpjekjet e vazhdueshme të vendit për të forcuar aftësitë ushtarake.
Bëhet e ditur se paketa e re e ndihmës ushtarake përfshin pajisje të avancuara ushtarake dhe trajnime për ushtrinë ukrainase, me qëllim të përmirësimit të aftësisë së tyre për të penguar dhe për t’u mbrojtur kundër çdo kërcënimi të mundshëm të sigurisë kombëtare.
Në pajisjet që do të sigurohen përfshihen drone, raketa antitank dhe armë të tjera të sofistikuara që që do të rrisin aftësinë e Ukrainës për të mbrojtur kufijtë e saj dhe për t'iu përgjigjur kërcënimeve.
