SHBA: Do e mbrojmë çdo pëllëmbë të territorit të NATO-s

Ministri amerikan i Mbrojtjes Lloyd Austin konfirmoi në Bruksel angazhimin e tij ndaj nenit 5 për mbrojtjen kolektive, duke theksuar se SHBA do të mbrojë çdo pëllëmbë të territorit të NATO-s nëse është e nevojshme.

"Ju vazhdoni të dëgjoni nga ne se Shtetet e Bashkuara janë absolutisht të përkushtuara ndaj nenit 5 dhe se ne jemi të vendosur të mbrojmë çdo pëllëmbë të territorit të NATO-s kur bëhet fjalë për këtë", tha Austin përpara fillimit të një takimi të ministrave të mbrojtjes të NATO-s.

Si pjesë e atij takimi, Grupi i Planifikimit Bërthamor të NATO-s do të takohet dhe takimi do të diskutojë retorikën e rrezikshme bërthamore ruse dhe rolin e aftësive bërthamore të NATO-s në ruajtjen e paqes dhe frenimin e agresionit.

Presidenti rus Vladimir Putin ka kërcënuar se do të përdorë armë bërthamore pasi forcat ruse pësuan disa disfata në Ukrainë javët e fundit. /Nacionale/