Rritja e rezistencës ndaj mobilizimit në Rusi, 20 zyre rekrutimi u dogjën atje

Alex Rossi, një korrespondent i Sky News nga Moska, shkruan se rezistenca ndaj mobilizimit po rritet ngadalë por me siguri në Rusi.

Në pesë ditët e fundit, që kur presidenti rus Vladimir Putin shpalli mobilizimin e 300,000 rezervistëve për luftën në Ukrainë, u zhvilluan një sërë protestash kundër mobilizimit, ku u arrestuan më shumë se 2,000 njerëz.

Shenjat e një rebelimi më serioz

Rossi thotë se protestat janë të vogla, por domethënëse duke pasur parasysh faktin se ato po zhvillohen në Rusinë e Putinit, ku mosbindja nuk tolerohet. Ka edhe shenja të një rebelimi më serioz kundër mobilizimit.

Të paktën 20 zyra rekrutimi u dogjën dhe një oficer rekrutimi u qëllua nga një distancë e afërt në një zyrë mobilizimi në rajonin siberian të Irkutsk, kujton Rossi.

Nuk ka ende një lëvizje të rëndësishme kundër mobilizimit, por sa më gjatë të vazhdojë kjo, aq më shumë ka gjasa që lëvizja të rritet.

Nuk është çudi që Putini e ka vonuar gjatë mobilizimin, sipas Rossi, i cili e përshkruan atë si "një strategji me rrezik të lartë për të dhe regjimin e tij". /Nacionale/