“Rrezik në rritje për konfrontim Rusi-ShBA” - zhvillimet e fundit nga lufta në Ukrainë
Inteligjenca britanike ka thënë se numri i viktimave ditore që po vuan Rusia ka rënë me rreth 30% në prill. Në konferencën e saj të përditshme të inteligjencës, ministria e Mbrojtjes raportoi se rënia ishte ndoshta për shkak të përfundimit të ofensivës dimërore të Rusisë, e cila kryesisht kishte dështuar.
Kievi ka pranuar se qëndronte pas një sulmi me dron në gjirin e Sevastopolit, megjithatë, zyrtarët hodhën poshtë pretendimet ruse se sulmi kishte vënë në rrezik funksionimin e korridorit të grurit.
Sipas inteligjencës ukrainase, Rusia ka kaluar në pozicione mbrojtëse në të gjitha fushat e saj të luftimit. Në një intervistë me RBC Ukraine të hënën, ai ka thënë se: “Vendet e vetme në vijën e frontit ku ata po bëjnë përpjekje janë në qytetin e Bakhmut, një përpjekje për të mbuluar qytetin e Avdiivka nga veriu dhe luftime të lokalizuara në qytetin e Marinka. Si në Avdiivka ashtu edhe në Marinka, taktikat janë identike me ato në Bakhmut - thjesht një përpjekje për të fshirë vendbanimin nga faqja e dheut.”
Sekretari i Përgjithshëm i OKB-së, António Guterres, i ka propozuar presidentit rus, Vladimir Putin, një "rrugë përpara që synon përmirësimin, shtrirjen dhe zgjerimin" e një marrëveshjeje që lejon eksportin e sigurt të drithit në Detin e Zi, të cilin Moska ka kërcënuar ta përfundojë nga 18 maji. Ministria ruse e Mbrojtjes ndërkohë ka akuzuar Ukrainën për përpjekje për të sulmuar anijet e saj në Detin e Zi duke thënë se kjo po kërcënonte perspektivat e zgjatjes së marrëveshjes.
Ministria e Jashtme e Rusisë ka thënë se po dëbon një diplomat moldav në atë që e cilësoi si hakmarrje për dëbimin e javës së kaluar të një diplomati rus në Moldavi
Inteligjenca ushtarake e Ukrainës, ka thënë se vendi ka shpëtuar 138 civilë, duke përfshirë shtetas të saj dhe qytetarë të Gjeorgjisë dhe Perusë, të cilët ishin bllokuar nga luftimet në Sudan.
Ministrat e sportit të Britanisë dhe Francës kanë këmbëngulur të martën se atletët rusë dhe bjellorusë nuk duhet të garojnë kurrë si neutralë siç rekomandohet nga Komiteti Olimpik Ndërkombëtar (IOC), sepse ata ende mund të financohen nga qeveritë e tyre.
“Rreziqet e një konfrontimi të drejtpërdrejtë ushtarak midis dy fuqive bërthamore, Rusisë dhe Shteteve të Bashkuara, janë në rritje të vazhdueshme,”- citoi agjencia e lajmeve Tass të thoshte të martën një diplomat të lartë rus. Vladimir Yermakov, kreu i ministrisë së jashtme për mospërhapjen bërthamore, I ka thënë agjencisë shtetërore ruse të lajmeve se Uashingtoni po përshkallëzonte rreziqet përmes sjelljes së tij me Moskën.
Ministri i Jashtëm rus, Sergei Lavrov ka thënë sot para Këshillit të Sigurimit të OKB-së, se “bota mund të ketë arritur pragun e rrezikshëm, ndoshta më të rrezikshëm, sesa gjatë Luftës së Ftohtë”.
Sipas Sky News, grupet ruse të të drejtave të njeriut kanë paraqitur ankesa për të kërkuar shfuqizimin e një ligji që ndalon njerëzit të flasin kundër pushtimit të vendit në Ukrainë.
