Putini-Perëndimit: Ne sapo kemi filluar, provoni të na mposhtni në fushë betejë
Presidenti Vladimir Putin ka thënë se Rusia sapo kishte filluar në Ukrainë dhe sfidoi Perëndimit të përpiqej ta mposhtte atë në fushën e betejës.
Në një fjalim drejtuar liderëve parlamentarë më shumë se katër muaj pas luftës, Putini tha se sa më gjatë të zvarritej konflikti aq më shumë do të zbehen perspektivat për çdo negociatë.
“Sot dëgjojmë se duan të na mposhtin në fushën e betejës. Çfarë mund të thuash, le të provojnë”, tha ai, duke shtuar, "ne kemi dëgjuar shumë herë se Perëndimi dëshiron të na luftojë deri në ukrainasin e fundit. Kjo është një tragjedi për popullin ukrainas, por duket se gjithçka po shkon drejt kësaj.”
Kujtojmë se, Rusia akuzon Perëndimin se po zhvillon një luftë kundër saj duke goditur ekonominë me sanksione dhe duke rritur furnizimin me armë të avancuara në Ukrainë.
Por sot ndërsa Putini mburrej se Rusia sapo po hynte në hapat e saj, ai iu referua gjithashtu mundësisë së negociatave.
“Të gjithë duhet ta dinë se, në përgjithësi, ne nuk kemi filluar asgjë ende seriozisht,” shtoi ai. “Në të njëjtën kohë, ne nuk i refuzojmë bisedimet e paqes. Por ata që i refuzojnë duhet ta dinë se sa më tej të shkojë, aq më e vështirë do të jetë për ta të negociojnë me ne.”
Kjo ishte referenca e parë e Putinit për diplomacinë në shumë javë pas deklaratave të përsëritura nga Moska se negociatat me Kievin ishin prishur plotësisht.
Që nga pushtimi i Ukrainës më 24 shkurt, forcat ruse kanë kapur zona të mëdha të vendit, duke përfshirë pushtimin e rajonit lindor Luhansk të dielën e kaluar. Por përparimi i Rusisë ka qenë shumë më i ngadalshëm nga sa ishte parashikuar nga shumë analistë, forcat ruse u mundën që në përpjekjet fillestare për të marrë kryeqytetin, Kiev, dhe qytetin e dytë më të madh, Kharkiv.
