Pamje: Rrëzohet aeroplani me rreth 80 ushtarë kolumbianë
Një aeroplan i Forcës Ajrore të Kolumbisë është rrëzuar në pjesën jugore të vendit, afër kufirit me Perunë.
Zyrtarët ushtarakë kolumbianë thonë se rreth 80 ushtarë ndodheshin në aeroplan në kohën e aksidentit, raporton televizioni BBC.
Aeroplani i tipit “Hercules”, që përdoret për transportimin e trupave, u rrëzua afër qytezës Puerto Leguizamo, në provincën Putumayo.
Punëtorët e shpëtimit janë dërguar në vendin e ngjarjes.
BREAKING: A military Hercules plane has crashed in Colombia’s Putumayo, carrying around 110 soldiers. The aircraft went down shortly after takeoff on a support mission. At least 20 soldiers have been rescued as search and rescue efforts continue. pic.twitter.com/CLiE0Welvl
— GeoInsider (@InsiderGeo) March 23, 2026
Ministri i Mbrojtjes i Kolumbisë, Pedro Sanchez, tha se aeroplani kishte pësuar “aksident tragjik përderisa po ngrihej nga Puerto Leguizamo, duke transportuar trupa të forcave tona të sigurisë”.
Ai tha se numri i saktë i viktimave nuk dihej ende, por e përshkroi incidentin si “thellësisht pikëllues për vendin”.
Në pamje që janë publikuar në rrjete sociale shihet tymi i zi duke dalë nga vendi i rrëzimit të aeroplanit./Nacionale
