Palestinezët thonë se 29 persona u vranë mbrëmë nga sulmet ajrore izraelite në Gaza
Ministria e Brendshme në Gaza, e udhëhequr nga Hamasi, tha në një deklaratë të publikuar të shtunën herët se të paktën 29 njerëz u vranë nga sulmet ajrore izraelite në pjesët veriore e qendrore të Gazës.
Sipas kësaj ministrie, të paktën 14 persona u vranë nga sulmet ajrore në Jabalia, që shtrihet në pjesën veriore të Gazës, raporton televizioni CNN.
Në një deklaratë të mëhershme, Ministria e Brendshme pretendoi se në shënjestër të sulmeve ajrore izraelite ishin shtëpitë e banimit.
Televizioni CNN nuk mund t’i vërtetojë në mënyrë të pavarur këto pretendime. Televizioni i ka dërguar ushtrisë izraelite kërkesë për koment.
Nga 7 tetori, kur filloi sulmi i Hamasit ndaj Izraelit dhe, rrjedhimisht, kundërpërgjigjja e këtij shteti, sipas Ministrisë së Shëndetësisë, që kontrollohet nga Hamasi, 4.127 njerëz kanë vdekur nga dhuna në Gaza, përfshirë 1.661 fëmijë.
