Një anije u nda në gjysmë në Detin e Kinës Jugore, si pasojë e dallgëve të mëdha

Përpjekjet e shpëtimit po vazhdojnë pasi një anije mallrash me 30 anëtarë të ekuipazhit u thye në dy pjesë në Detin e Kinës Jugore sot mes tajfunit Chaba, raportuan mediat kineze.

Ekipet e shpëtimit deri më tani kanë shpëtuar tre anëtarë të ekuipazhit nga anija, e cila u mbyt 300 kilometra në perëndim të Hong Kongut, një zonë që Kina e quan rajoni i saj i veçantë administrativ.

Nuk është e qartë se çfarë ndodhi me 27 personat e tjerë, raportoi South China Morning Post.

Lartësia e dallgëve ishte deri në dhjetë metra. Pamjet e shpëtimit tregojnë një anëtar të ekuipazhit duke u tërhequr nga një litar në helikopter ndërsa anija u fundos poshtë tij. Operacionet e shpëtimit u penguan nga dallgët deri në dhjetë metra dhe dukshmëria më pak se 500 metra. /Nacionale/