Mbretëria e Bashkuar: Rusia dëshiron suksese për 9 maj, Ditën e Fitores
Rusia ka të ngjarë të dëshirojë të arrijë suksese të rëndësishme përpara festës së saj vjetore të Ditës së Fitores më 9 maj dhe kjo mund të ndikojë se sa shpejt dhe me sa forcë ata do të përpiqen të kryejnë operacione në prag të kësaj date, thotë Ministria e Mbrojtjes e Mbretërisë së Bashkuar.
Dita e Fitores shënohet me rastin e fitores së BRSS-së ndaj Gjermanisë naziste dhe është një festë e madhe dhe e rëndësishme në Rusi.
Forcat ruse tani po përparojnë në Donbas si pjesë e një ofensive të ripërtërirë pasi nuk arritën të marrin Kievin.
Forcat po lëvizin drejt qytetit të Kramatorsk, "i cili vazhdon të përballet me sulmet e vazhdueshme me raketa", thotë Ministria e Mbrojtjes në një përditësim të tyre.
“Nivelet e larta të aktivitetit ajror rus vazhdojnë teksa Rusia kërkon të ofrojë mbështetje të afërt ajrore për ofensivën e saj në Ukrainën lindore, për të shtypur dhe shkatërruar aftësitë e mbrojtjes ajrore të Ukrainës”, thuhet në deklaratë.
