Mbretëria e Bashkuar njofton pako 60 milionë dollarëshe për mbrojtjen ajrore të Ukrainës
Gjatë vizitës së realizuar në Kiev, kryeministri i Mbretërisë së Bashkuar ka njoftuar një pako për mbrojtjen ajrore të Ukrainës në vlerë prej 60 milionë dollarësh.
Sipas Downing Street, gjatë takimit të Rishi Sunak me presidentin ukrainas Volodymyr Zelensky, ai "konfirmoi se Mbretëria e Bashkuar do të sigurojë një paketë të re të madhe të mbrojtjes ajrore për të ndihmuar në mbrojtjen e civilëve ukrainas dhe infrastrukturës kritike kombëtare nga një breshëri e fortë e sulmeve ruse".
“Paketa e ndihmës mbrojtëse prej 50 milionë funtesh përfshin 125 armë kundërajrore dhe teknologji për të luftuar dronët vdekjeprurës të furnizuar nga Irani, duke përfshirë dhjetëra radarë dhe aftësi të luftës elektronike kundër dronëve”, njoftohej më tej.
Gjatë vizitës së tij të papritur në kryeqytetin ukrainas, kryeministri britanik Rishi Sunak u takua gjithashtu me reaguesit e parë ukrainas, të cilët treguan "punën e tyre të tmerrshme" për të shpëtuar të mbijetuarit nga rrënojat dhe për të luftuar zjarret e shkaktuara nga sulmet ajrore ruse dhe sulmet me mortaja.
"Është thellësisht përulëse të jesh sot në Kiev dhe të kesh mundësinë të takosh ata që po bëjnë kaq shumë dhe po paguajnë një çmim kaq të lartë, për të mbrojtur parimet e sovranitetit dhe demokracisë," citohet të ketë thënë Sunak.
Sipas deklaratës, ai më tej ka shprehur krenarinë e tij që Mbretëria e Bashkuar ka "qëndruar me Ukrainën që nga fillimi", duke thënë se vizita e tij nënkupton angazhimin e MB për të "vazhduar të qëndrojë me Ukrainën, ndërsa lufton për t'i dhënë fund kësaj lufte barbare dhe për të ofruar një paqe të drejtë".
Përveç paketës së mbrojtjes ajrore, Sunak është zotuar gjithashtu për 14 milionë dollarë ndihmë financim të Programit Botëror të Ushqimit në Ukrainë, si dhe 5 milionë dollarë për migracionin.
